مسحــــــب الدجاج

المقادير
كل شي حسب الرغبـة طبعا اذا على حسب عددكم
دجاجه كامله
فلفل اخضر حلو
بصل
مايونيز
ليمـونه او ثنتين على حسب انتي اشكثر تحبين حموضتة
مـلح وفلفـــل
صــمون بريــوش
الطــريقـــة:
اول شي طبعا تفوحين الدجاج
وبعد ماتفوحينـه خلية يبرد ونزعي الجلد وبعدين نتفي الدجاج عن بعضة
وبعدين تاخذين البصل تبشرينه بالبشارة مالت الجبن (رنده اسمها) يصير جنه مطحون وبعدين تاخذين الفلفل الرومي وتقصقصينه صغار تناتيف
المهم تيبين وعاء كبير عشان تحطين فية المقادير اول شي الدجاج المسحب وتحطين علية البصل وبعدها الفلفل تخلطينهم مع بعض وبعدين تحطين علية المايونيز والليمون والملح والفلفل الاسود وتخلطينهم مع بعض اذا حسيتي انه ثقيل زيديه مايونيز
الحين تاخذين صمون بريوش انا استعمل صمون اسمه لاباريس وايد حلو تفتحين الصمون بالنص وتحطين الحشوه فيه
وسلامتكم سووها واذا ماعجبتكم لوموني والله انا دايما حق العزايم اسويها ووايد يقولون لي وايد حلوه وعليكم بالعافيــة